Mon11182019

Last updateSat, 29 Jun 2019 5am

கள்ளர் கூட்டம்

கள்ளர் கூட்டம்
ஊரை அடிச்சு
உலையில போடுவார்
என்ர பிள்ளையள்
கொட்டின ரத்தத்த
விட்ட அரும் உயிர
சொல்லி அழுதல்லோ
ஊரெல்லாம்
உலகமெல்லாம்
சொத்துச் சேத்தாங்கள்

 

எங்கட ராசா ராசாத்தி
நீங்கசெத்த
வருசப்பழங்சலிப்பு
நாங்க இன்னம்
வாயாறச் சொல்லயில்ல
என்ர செல்லக் குஞ்சுகள
அவலமா சாகவைச்சு
காட்டியும் கொடுத்து நீ – கொள்ளயில போவானே
அந்திய தேசத்தில
காசாக வீடாக
காராக காசு பண்ணி
திரும்பவும் வாறாய்
என் வீட்டு வாசலுக்கு
நாடுகடந்த
தமிழீழக்
கதை சொல்லி

நாசமாய்ப் போவானே
பாடையில போவானே
செக்கப் போய்
சிவலிங்கமெண்டு
நக்கச் சொல்லுறியா
உன்ர வக்க நிரப்ப
என்ர வம்சத்த அழிச்சவனே
கொடுக்குகளும் கோமணமும்
குறுக்குகட்டுகளும்
இறுக்கி வரிஞ்சு
இறுகக் கட்டிவைச்சு – இன்னும் நீ
கொள்ளையடிக்க வந்தா
கொடுவா கத்தியொண்டும்
தீட்டி வச்சிருக்கு
வாடா நீ வா

நாடும் கடந்து போய்
எங்கள நாய்பேய்க்கு விலைபேசி
வித்துப் பிழைக்கும் தெருநாயே
விடு உன்ர
சுரண்டிக் கொழுக்கும்
சொறிக்குணத்த